167 школа

№ 167 жалпы білім беретін мектеп 1992-1993 оқу жылынан бастап жас ұрпаққа білім беру ісін жалғастыруда.Алматы қалалық әкімшілігінің «Әуезов ауданында мектеп ашу туралы 1995 жылғы 31 шілдедегі 62 арнайы мектептен жеке шаңырақ ретінде бөлініп шықты. Мектеп ғимараты 780 оқушыға арналған. Жалпы ауданы2791,7 шаршы метр. Ғимараттың орналасқан жалпы жер көлемі – 2,5648 га. 1 оқушыға есептегендегі оқу аумағы – 2,78 шаршы метр.

№167 жалпы білім беретін мектеп ұжымы 2013 – 2014 оқу жылындағы оқу-тәрбие жұмысын 1 қыркүйектен ҚР Білім туралы заңын, Қазақстан Республикасы Үкіметінің 2012 жылғы 23 тамыздағы № 1080 қаулысымен бекітілген Қазақстан Республикасы мемлекеттік жалпыға міндетті білім беру стандартын, Қазақстан Республикасының 2011-2020 жылдарға арналған мемлекеттік білім беруді дамыту бағдарламасын басшылыққа ала отырып жасап отыр.

Мектептің іс-әрекеті Қазақстан Республикасы Азаматтық кодексінің, Қазақстан Республикасының «Білім туралы» заңының, Қазақстан Республикасының жалпы білім беретін оқу орындарының жалпыға міндетті білім беру стандарты, мектептің жарғысы және басқа құқықтық-нормативтік құжаттар негізінде жүзеге асады.

Мектеп ІІ ауысымды күн тәртібімен жұмыс істейді. І ауысымда сабақ 8.00-де, ІІ ауысымда 13.30-да басталады.